ત્રણ દિવસીય પ્રદર્શન

સિસ્ટર મેરી ડાભી

આજે ગામડી-આણંદમાં પવિત્ર મરિયમના  વિવિધ ફોટોગ્રાફ્સ સાથે  લીજીયન ઓફ મેરી દ્વારા સુંદર પ્રદર્શનનું ત્રણ દિવસ માટે ઉદ્ધઘાટન કરવામાં આવ્યું. સિસ્ટર મેરી ડાભી જેમની હાલમાં સંત ફ્રાન્સીસ ઝેવિયરની નાની દીકરીઓના નવા મધર જનરલ તરીકે નિમણૂક કરવામાં આવી છે તેમને હાથે પ્રદર્શન ખુલ્લું મુકવામાં આવ્યું હતું. આ પ્રદર્શનમાં જુદા જુદા દેશોમાં પવિત્ર મારિયાને ચિત્રમાં  રજુ કરવામાં આવે છે તેની ઝાંખી થઇ શકે છે. આ પ્રદર્શનમાં સ્કુલના બાળકો દ્વારા દોરેલા સુંદર પવિત્ર મારિયાની છબીઓને પણ સામેલ કરવાથી પ્રદર્શન શોભી ઉઠ્યું છે.

આ પ્રસંગે ગામડી-આણંદના સભાપુરોહિત રેવ. ફા.આલ્બર્ટ એસ. જે. તથા રેવ. ફા.મેક્ષિમ એસ. જે., રેવ. ટોની (પેટલાદ ) રેવ.ફા. નગીન એસ.જે., સિસ્ટર પુનિતા એલ. ડી. તથા તેમના મંડળના નોવીસ મિસ્ટ્રેસ અને લીજીયન ઓફ મેરીના પ્રમુખ તથા સભાસદોએ હાજરી આપી પ્રસંગને વધુ સુંદર બનાવ્યો હતો.. આવા સુંદર ધાર્મિક પ્રવૃતિના આયોજન દરેકને પ્રાર્થનામય અને પ્રભુમય બનાવવામાં મદદરૂપ થઇ શકે છે.                

આ પ્રસંગની વધુ ઝાંખી
 

ફોટોસ: બી. બી. એન.