કબ્રસ્તાન માટે ધરણા

Mogri, Nr. Anand

વ્હાલા ધર્મજનો,

ખ્રિસ્તી સમાજ એટલે માત્ર કોઈ એક  પંથ નથી પરંતુ કેથોલિક, મુક્તિ ફોજ, પ્રોટેસ્ટંટ વગેરે પ્રચલિત અપ્રચલિત પંથથી બનેલો  સમાજ એટલે ખ્રિસ્તી સમાજ.

ખ્રિસ્તી સમાજમાં ઘણા વણ ઉક્લેલ પ્રશ્નો પડ્યા છે જેને વાચા આપવા માટે આપણે સર્વે એક્મય બની સાથ સહકાર આપવાની જરૂર આજે પડી છે. ગયા મહીને BBN ને  મોગરી ગામે દફન વિધિમાં જવાનું થયેલ. ગામના વડીલને દફન કરવા ગયા ત્યારે કબ્રસ્તાન જોઇને એવું લાગ્યું કે દફન વિધિ કરવામાં ક્યાં આવશે ? આખું કબ્રસ્તાન પાણીમાં હતું. તળાવના પાણીમાં લીલો નાળો ઉગેલો અને એ નાળાઓમાંથી કબરો ઉપર મુકવામાં આવેલ બધા ક્રોસ પોતાનું મુખ કાઢીને જાણે એવું કહેતા હોઈ કે આપણા સમાજમાં મૃત્યુ પામેલ વ્યક્તિ માટે પાંચ ફૂટ જમીનનો પણ અભાવ છે. 

આવા તો ઘણા કબ્રસ્તાનો પાણીમાં છે તો વળી કોઈ કબ્રસ્તાન રોડ બનવા માટે ખોદી કાઢવામાં આવેલ છે. ગામડાઓમાં ઘણા કબ્રસ્તાનો હજી પણ ઉકરડો બનાવવા માટે  ઉપયોગ કરવામાં આવે છે.

BBN  હાલમાં મોગરી અને બેડવા ગામના કાબ્રસ્તાનોનું શુટિંગ કરી રહ્યું છે. કામ પૂરું થતાજ આવતા મહીને વીડિઓ દ્વારા ત્યાની પરિસ્થિતિ આપ સમક્ષ રજુ કરી શું તેવો કાર્યક્રમ કરી રહ્યા છે ત્યારે આજે જાણવા મળ્યું કે બે દિવસ પહેલા  સાબરમતી,અમદાવાદમાં પણ કબ્રસ્તાન ઉપર બુલડોઝર ફેરવી પાર્કિંગ બનાવી દેવામાં આવ્યું છે. શું આ પ્રશ્ન આપણી  જ્ઞાતિનું  મૂળ કયું છે તે શોધી અને ચર્ચાસ્પદ બનાવવું તેના કરતા મુખ્ય પ્રશ્ન ના કહી શકાય ?   

 વ્હાલા ધર્મજનો,  ત્યાના ધર્મ બંધુઓ દ્વારા એક ધરણાનું આયોજન કરવામાં આવ્યું છે. આ પ્રસંગે યુવાનો પોતાનો  સમય ફાળવે અને આ પ્રશ્નનો ઉકેલ લાવવા માટે પોતાનો ફાળો આપે તેવી વિનંતી.  

આવો, એક થઇ પ્રશ્નનો  ઉકેલ લાવીએ,    

ધરણાનું  સ્થળ: અમદાવાદ મ્યુનિસિપલ કોર્પોરેશન, દાણાપીઠ, ખ્હમાસા, અમદાવાદ, 
                    મુખ્ય દરવાજાના રોડ તરફ઼્ના ભાગે

સમય:  બુધવાર,  બપોરે : ૩:૦૦ થી ૫ વાગ્યા સુધી  

Sabarmati News: Mr. Smith Christian

Photos: BBN